This page is intended for users in Germany. Go to the page for users in United States.

搵工搵到懷疑人生?指紋分析幫你梳理

撰文:Wantedly編集部

新一年, 攞完bonus又到搵工嘅季節,但係身邊總有朋友(或者自己)都唔係好知自己想點,想轉工,但又唔知轉咩好。見到陸永,C君撈到風山水起,唔通真係要搵玲玲/睇掌睇掌睇相/?咁又唔使勞煩佢住,筆者今次邀請到指紋分析技術公司MiQi嘅創辦人Ellen Mok同大家講吓指紋分析(fingerprint profiling)究竟可以點樣幫大家解決職場難題。

指紋學?咁咪即係睇掌?

指紋分析係遺傳學(genetics)嘅分支,咁即係同其他占卜、人格測試、睇掌等等嘅途徑又有咩唔同呢?Ellen就話:「指紋分析嘅著眼點係透過科學角度,去解剖DNA畀我地嘅先天條件同性格,再去決定後天如何努力去成為一個更好嘅自己。」雖然大家都一定會聽過「好醜命生成」,但似乎指紋分析想表達嘅,係好係醜,就睇你識唔識unlock自己嘅潛能。

唔同動物代表唔同嘅潛能,你嘅指紋又潛藏咗啲咩動物?

講到尾,指紋分析同其他占卜、人格測試、睇掌等等嘅途徑又有咩唔同呢?Ellen就話:「指紋分析嘅著眼點係透過科學角度,去解剖DNA畀我地嘅先天條件同性格,再去決定後天如何努力去成為一個更好嘅自己。」雖然大家都一定會聽過「好醜命生成」,但似乎指紋分析想表達嘅,就係「先天」唔一定會決定人嘅「後天」,只要你肯了解同提升自己。

揀錯公司入錯行?職場點先有希望?

相信大家同筆者都會有同感,認為搵工同辦工從來都係其中一個人生最大嘅煩惱(除咗感情之外),剛畢業嘅要諗搵咩工好、出咗身一段時間嘅又會覺得自己好迷失、搵到份好工嘅呢,又會煩公司嘅人事關係同自己嘅前景。買錯胸圍帶錯bra已經夠慘,仲要揀錯公司入錯行,真係聞者傷心,聽者流淚 !

Ellen話個個後生嘅時候都一定會迷惘,就連佢自己都唔例外,甚至曾經有個client人到中年先嚟話想轉行:「佢當時已經係一間醫學美容公司嘅 sales,但已經唔想再做呢一行。我幫佢分析完指紋之後,就發現原來佢好有藝術細胞,咁我就建議佢可以嘗試藝術創作呢條路。」

點知,過咗一年半之後再見返呢個client,就喺佢第一個畫展,而佢都由一個從來冇學過畫畫嘅sales搖身一變,成為咗一個全職畫家。所以,有心真係唔怕遲,最緊要搵啱條匙。(/單押x2/唔通我都有hip hop嘅天份?)

講完搵工嘅人,咁返緊工嘅又點呢?Ellen分析過嘅client橫跨「老中青」,佢就話除咗工作本身之外,每一份工都會涉及人際關係:「出到嚟做嘢,點都離不開待人接物。而指紋分析唔係純粹為咗更加了解自己,仲係要學識點樣同各種性格嘅人相處,從而解決職場上嘅『麻煩』。」

佢仲舉咗最近嘅一個corporate client做例子:「個CEO為咗了解多啲公司嘅管理層,就幫自己同埋所有department heads做一個深入分析,於是佢就開始明白點解有啲同事成日都唔留喺位,但係又會交到成績;點解有啲同事唔太受下屬歡迎,原來係因為講嘢太過直。」

所以指紋分析除咗係一個了解自己嘅途徑之外,仲係其中一個學識點樣同其他人相處嘅方法,令大家同同事嘅合作更加「愉快」。

MiQi不時都會去唔同公司,分享指紋分析喺職業上嘅應用

了解「先天」 改變「後天」

你以為做完指紋分析,好透徹咁由外到內了解完自己,咁你嘅將來就會平步青雲咩?Ellen話絕對唔係:「好似我剛才所講,指紋分析只係一個了解『先天』嘅工具,當你知道自己係咩性格,適合做啲咩嘅時候,又代唔代表你『後天』會去努力呢?如果你唔嘗試去改變自己、自我增值、甚至連搵工/轉工呢一步都唔行嘅時候,你有幾了解自己都冇用,因為係你自己困住自己。」話知redbull送你一對翼,都要你肯跳出去先飛到。

Ellen仲以自己做例子,話其實指紋學一直都已經存在,而唔同嘅指紋形狀原本都只係得學術名稱,但因為有個家長畀過一個feedback佢,就話作為受眾嘅佢地好難吸收,所以後期先會成為第一個將所有指紋歸納為7種動物性格嘅人,再將指紋分析喺科技上應用出嚟。

就好似大家就算而家冇乜方向,搵工轉工又唔知道點開始都好,都總會知道自己有啲咩缺失、有啲咩壞習慣,但知道又會唔會去改呢?所以Ellen最後都寄語年輕人:「要成功做自己、必先認識自己。」

你嘅內心又有邊(幾)種動物呢?
後記: 如果早幾年識Ellen就好喇,我唔單止早啲了解自己,仲可以早啲睇穿邊啲係free rider...

指紋分析 機會嚟喇!👍🏼

命運在你手(指)永不低頭!喺1月23至24號,Wantedly會同MiQi喺JUMPSTARTER 2019有個crossover booth,強烈建議大家可以去JUMPSTARTER 2019前記住玩左「七型動物性格發現之旅」測試,睇下你了唔了解自己,到時大家可以透過指紋分析再確認自己係咩動物,了解自己,再喺Wantedly搵返份屬於自己嘅好工 !

JUMPSTARTER 2019
2019年1月23至24日・灣仔會展 Hall 5G 見!

等唔到喇~ 上網試吓先 🤩

Finger Profiling powered by MiQi
【性格診斷】搵工搵到懷疑人生? 你嘅手指可能係你嘅明燈👉💡Are you lost? Let your fingers lead your way!
MiQi係首批研發同應用指紋分析技術嘅公司,專為企業同大眾提供指紋分析服務。指紋研究係神經學、遺傳學同統計學嘅一部分。因為每個人嘅指紋都獨一無二,所以喺你未出世之前,指紋已經會反映大腦嘅發育情況。透過觀察喺你每隻手指上嘅指紋,我哋就可以詳細分析你嘅性格同潛能,等大家無論係個人定係職場上都有更好嘅發展。經過十年嘅實踐,我哋總結出7種典型人格,而每一種性格都會有專屬嘅動物代表。 MiQi provides fingerprint profiling service to corporate and individuals. We are the first to innovate and applies technology to fingerprint profiling. Everyone’s fingerprints are unique. They reflect your brain development when you are an embryo. The readings of fingerprints are scientific, it is part of neurology, genetics and statistics. By just reading your thumb, we can tell your inborn personality. After 10 years of practice, we have developed 7 typical personality types and each of them is represented by a lovely animal.
Miqi
Miqi 's job postings
2 Likes
2 Likes

Weekly ranking

Show other rankings